بين المنسف والمسخن عشق مشترك

أحلامنا الصغيرة.. قضايانا الكبيرة.. نستأثر نحن بالوجع بهواجسنا المشتركة….

بعد احداث دوار الداخلية ومحاولة زرع الفتنة بين الاردنيين و الفلسطينيين ، لم اشعر وقتها بأي خوف ، فما لمسته بشكل شخصي يضحض اي نوع من المحاولة الغبية التي اثبتت فشلها ، ذهبت الى عملي باليوم التالي القيت الصباح على زملائي ، فقابلني مدير التحرير باسل الرفايعة ابن الجنوب وقال لي: لم اجد في حياتي علاقة عشق (هبلة) كعلاقة الفلسطيني مع الأردني؟ لأرد عليه متعجبة عشق…فقال نعم عشق وبهبل وبخوف من فقدان طرف الاخر…

صح لسانك باسل…فالعشق بشكل عام محرم على المجتمعات التقليدية ولا يجوز الاعلان عنه بالسهولة التي نتمنى،

راح احكيلكم قصة صارت معي عبر رسائل في البريد الخاص على الفيس بوك بيني وبين أردني من عائلة العمري، قام بارسال نص يهددني نتيجة تعليقا كتبته على صفحة صديق،والحوار كالتالي:

انا بعد ان تلقيت التهديد المضحك: من انت؟

هو:هاشمي ابن هاشمي

انا: ومن عائلة العمري ايضا

هو: بتحطي ايدك فوق راسك

انا: على فكرة زوجي وابني من عائلة العمري أيضا

بعد خمس دقائق رد علي قائلا: انا اسف اذا هيك

أنا: عشان اعرفت انه زوجي من العمري

هو: طبعا ابنك من دمنا ولحمنا

انا: وشو اللي اتغير

هو:ما تسأليني اسئلة تحسسني اني اسأتلك وحقك على راسي

انا: بتحب فلسطين

هو: اصلا جدي حارب في القدس، وبحب المسخن كثير، أول حب بحياتي كان لبنت فلسطينية

انا: انا كمان بحب المنسف كتير ، احكيلي شو كمان

هو: جيرانا فلسطينية كمان وبحياتنا ما اشتكينا منهم

انا: رفيقة عمري في سكن الجامعة من مادبا ، شو كمان

هو: مستعد اضحي بحياتي عشان فلسطين

انا: وانا مستعدة اضحي بحياتي عشان الاردن

هو:انا اسف اني غلطت بحقك بعيدا عن انه زوجك من جماعتنا

انا:طبعا هو من جماعتكم بس من فرع القدس

هو:عمرية القدس عمامنا

انا:عمرية اربد عمام ابني

وانتهى الحديث

بعتلي رسالة مؤخرا: على فكرة انا خطبت بنت من جنين

بشرفكم في اجمل من هيك علاقة، بس محتاجة نعترف فيها

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s